ایک نیوز:ادارہ شماریات  کی جانب سے ہفتہ وار بنیادوں پر مہنگائی سے متعلق رپورٹ جاری کر دی گئی۔

ادارہ شماریات کے مطابق  ہفتہ وار بنیادوں پر مہنگائی کی شرح میں 0 اعشاریہ 15 فیصد کا اضافہ ہوا، سالانہ بنیادوں پر مہنگائی بڑھنے کی مجموعی شرح منفی 2 اعشاریہ 41 فیصد ریکارڈکی گئی،  ایک ہفتے میں 12 اشیاء مہنگی،11 اشیاء کی قیمتوں میں کمی ہوئی۔

رپورٹ کے مطابق گزشتہ ایک ہفتے میں انڈے فی درجن 13 روپے 5 پیسے مہنگے ہوئے، ایک ہفتے میں برائلر مرغی کلو 7 روپے 12 پیسے فی کلو مہنگی ہوئی،حالیہ ہفتے کے دوران ایل پی جی کا گھریلو سلنڈر33 روپے 75 پیسے مہنگا ہوا، بریڈ،کیلے،دال مونگ،چینی،چاول اور بیف بھی مہنگی ہونے والی اشیاء میں شامل ہیں۔

رپورٹ   کے مطابق ایک ہفتے کے دوران پیاز فی کلو 2 روپے 87 پیسے سستے ہوئے، ٹماٹر فی کلو 2 روپے 5 پیسے سستے ہوئے، لہسن فی کلو 7 روپے 29 پیسے سستا ہوا،آٹے کا 20 کلو کا تھیلا،دال مسور،گھی اور چنے بھی سستی ہونے والی اشیاء میں شامل ہیں۔

رپورٹ کے مطابق مٹن،تازہ دودھ،چائے سمیت 28 اشیاء کی قیمتیں مستحکم رہیں۔